Komedya Sa Ospital | Sigaw ng Pinoy

 PAALALA: Ito po ay hindi ko gawa. Ito po ay nakita ko lamang sa website na ito at nais kong ibahagi sa inyo.

(Halaw ito sa isang E-mail na aking natanggap.)

Sa Philippine General Hospital (PGH), may tinatawag na Central Block. Nandoon ang Radiology Department kung saan ginagawa ang x-ray, ultrasound, CT scan at radiotherapy. Dito ko naobserbahan ang ebolusyon ng mga Pinoy medical terms.

May mga pasyente akong nasasalubong at nagtatanong ng direksyon. Ganito ang kanilang mga bersyon ng CT scan.

1.             Dok, saan po ba ang siete scan?

2.            Dok, saan po ba magpapa-CT skull?

3.            Dok, saan po ba ang CT scalp?

4.            Dok, saan po ang CT scam?

Madalas din akong mapagtanungan ng direksyon papunta sa Cobalt Room. Madalas nilang sabi’y, Dok, saan po ang Cobal? Oo, walang T. Marami talagang gumagamit ng term na Cobal. Saan napunta ang T? Marami ring nagtatanong, Dok, saan po ba magpapa-X-tray? Kongklusyon, ang T ng Cobal ay napunta sa X-tray!

Minsan isang umaga, nagbigay ng instruction ang kasamahan kong doktor sa bantay ng pasyente. Mister, punta po kayo sa Central Block at magpa-schedule kayo ng x-ray ng pasyente ninyo. Hapon na nang dumating ang bantay. Nagalit ang doktor. Ang katwiran ng bantay ay ito: E, kasi po dok, ang tagal kong naghintay sa gate hanggang sabihin ng gwardya na sarado raw po ang Central Bank kasi Sabado ngayon. Nasa Roxas Boulevard ang Bangko Sentral ng Pilipinas at sarado nga naman ‘yon kapag Sabado!

Nang mag-rotate ako bilang intern sa Pediatrics ng PGH, napansin kong mahal na mahal talaga ng mga nanay ang kanilang mga anak na may sakit. Pilit nilang tinatandaan ang mga gamot at tawag sa sakit ng kanilang mga anak. Kaya hindi ko malimutan ang mga sumusunod na eksena:

Doktor: Misis, ano po ba ang gamot na iniinom ng anak ninyo?
Misis 1: Dok, Pheno Barbie Doll po.
Doktor: Ah, baka po Phenobarbital.
(Gamot sa kombulsyon ang Phenobarbital.)

Doktor: Misis, ano po ba ang antibiotic na iniinom ng anak ninyo?
Misis 2: Dok, Metromanilazole po.
Doktor: Ah, baka Metronidazole.
(Gamot sa amoeba ang Metronidazole.)

Doktor: Misis, tapos na po ang operasyon ng anak n’yo. Punta na po kayo sa PACU.
Misis 3: Eh dok, saan po sa Paco? Sa may simbahan po ba o sa may palengke?
(Ang PACU ay Post-Anaesthesia Care Unit, ang recovery room ng PGH.)

Doktor: Misis, ano po ba ang sinabi ng dating doktor kung ano raw ang sakit ng inyong anak?
Misis 4: Eh dok, sabi po nya Tragedy of Fallot.
Doktor: Ah, baka po Tetralogy of Fallot.
(Isang congenital heart disease ang Tetralogy of Fallot.)

Minsan, biglang nagtataran ang isang nanay at nagsisigaw.
Misis 5: Scissors! Scissors! Nagsi-scissors ang anak ko, dok!
Doktor: Nurse, Diazepam please. Nag-seizure ang pasyente!
Doktor: Misis, ano raw po ba ang sakit ng anak ninyo?
Misis 6: May ketong daw po.
Ineksamin ng doktor ang pasyente. Wala siyang nakitang senyales ng ketong. Tumawag pa siya ng isang dermatologist pero wala talaga silang makitang ketong.
Doktor: Misis, sigurado po ba kayong ketong ang sakit ng bata?
Misis 6: Eh, iyon po ang sabi ng dati niyang doktor. Mataas daw po ang ketong niya sa ihi dahil sa diabetes.
Doktor: Ah, ketone po ‘yon.
(Ang positive ketone sa ihi ay senyales ng kumplikasyon sa diabetes.)

Usapan ng isang doktor at misis na nagle-labor minsan:
Doktor: Misis, pumutok na po ba ang panubigan ninyo?
Misis 7: Eh dok, wala naman po akong narinig na pagsabog.


Hanep, hindi po ba?

Nakakatawa man. Dapit ay bigyan natin o ng pamahalaan ng solusyon ang isa sa pinakamahalagang bagay sa ating buhay -- ang edukasyon.

OPM - Mabuhay Singers

Ang Mabuhay Singers

Mabuhay Singers

                Sa personal, hindi ko talaga kilala o naabutan ang Mabuhay Singers. Ayon sa aking mga naulinigan mula sa aking mga tatay at nanay, sila raw ay isa sa pinakamagaling na grupo ng mang-aawit sa Pilipinas. Hindi ako sigurado ngunit sa pagkarinig ko rin ay katulad sila ng Madrigal Singers.

              Paano ko ba sila naisipang ilagay dito? Dumadaloy sa ugat ko ang purong pagka-Pilipino. Hinding-hindi ko kalilimutan ang pundasyon ng lahat ng mang-aawit natin ngayon. Ngunit, tulad nga ng sabi ko, hindi ko sila naabutang sumikat. Paano ko sila nagustuhan? Isang beses kasi, habang papunta kami sa simbahan, narinig kong pinatutugtog ito sa taxi na aming sinasakyan. Ito ay ang awiting “Ikaw Ang Mahal Ko”. Hindi ako sigurado kung sila ang orihinal o ang kanilang bersyon ay rendisyon lamang.

Sino sila ayon sa WikiPedia :

                  Ang Mabuhay Singers ay pangkat ng mga mang-aawit sa Pilipinas na nabuo noong 1958 at naging soloista ang ibang kasapi katulad nina Cely Bautista, Rau Lucero at iba pa.

                  Nabuo sila sa pamamagitan ng Villar Records bilang pinagsamang pangkat ng dalawang grupo — ang Tres Rosas, na binubuo nina Carmen Camacho, Nora Hermosa, at Raye Lucero; at ang the Lovers Trio, na binubuo nina Chi Lucerio, Floro San Juan, at Ador Torres. Napasama minsan bilang kasapi ang ibang mga Filipino mang-aawit katulad nina Ruben Tagalog, Cely Bautista, Ric Manrique, Jr., Rita Rivera, Don David, Flor Ocampo, Noel Samonte, Betty Rivera, Robert Malaga, at Everlita Rivera. Nakagawa ng mahigit sa 100 mga album ang Mabuhay Singers, na nailabas pa sa internasyunal na komersiyo. Naglalaman ang kanilang mga awitin ng mga tradisyunal at makabagong musikang Filipino sa mga pangunahing wika ng Pilipinas at may mga ilan na awitin na nasa Ingles at Kastila.

                Noong 1973, ginawaran sila ng Philippine Records Association ng parangal para sa kanilang mga mabentang mga album.

                Narito ang kanilang awiting aking nagustuhan:

Pinoy Big Brother Unlimited TRIVIAS!

Pinoy Big Brother Unlimited Logo

Pinoy Big Brother Unlimited TRIVIAS!

Kilala mo ba lahat ang paborito mong housemates? Kilalanin pa sila nang lubusan sa trivia na ito!

TUNAY NA PANGALAN, EDAD, LAHI at PINAGMULAN

Mula ito sa Wikipedia.com

Annielie "Pamu" Pamorada	19	Lipa, Batangas	Filipino	[19][20]
Anna Christine "Tin" Patrimonio	19	Quezon City	Filipino	[19][20]
Divine Maitland-Smith	20	Cebu City	Filipino–British	[19][20]
Jan Slater Young	23	Cebu City	Filipino	[19][20]
Jazhiel "Jaz" Manabat	24	Quezon City	Filipino	[19][20]
Joseph "Biggel" Biggel	19	Marinduque	Filipino–German	[19][20]
Kevin Andrew Fowler	18	California, USA	Filipino-American	[19][20]
Kim de Guzman	19	Olongapo City	Filipino	[19][20]
Luzviminda "Luz" McClinton	33	Muntinlupa	Filipino	[19][20]
Marnill "Kigoy" Abarico	32	Ormoc, Leyte	Filipino	[21][20]
Philip Joel "Paco" Evangelista	26	General Santos	Filipino	[19][20]
Roy Marcelo Gamboa	29	Pangasinan	Filipino	[19][20]
Seiichi "Seichang" Ushimi	22	Tokyo, Japan	Filipino–Japanese	[19][20]
Second batch
Anatoly "Tol" Chua	33	Surigao del Sur	Filipino	[22]
Andy Farida "Wendy" Tabusalla	22	Muntinlupa	Filipino-Indonesian	[22]
Casey Anne Austria	19	Legazpi, Albay	Filipino	[22]
Diane Marie Aquino	28	Quezon City	Filipino	[22]
Erica Arlante	31	Bacolod	Filipino	[22]
Jerico Redrico	24	Pampanga	Filipino	[22]
Jessica Connelly	19	Taguig	Filipino–Irish	[22]
Johnny "Eting" Linaban	27	Cebu	Filipino	[22]
Leonard "Unad" Hernandez	24	Batangas	Filipino	[22]
Lordwin Claveria	23	Quezon	Filipino	[22]
Joya Genzola	24	Negros Occidental	Filipino	[22]
Mark Luz	23	Quezon City	Filipino	[22]
Naprey "Nap" Almario	23	Davao	Filipino	[22]
Robelyn "Lyn" Bagiosa	25	Surigao del Norte	Filipino	[22]
Stephanie "Steph" Enage	23	Baybay, Leyte	Filipino	[22]
Reserved housemates
Carlo Romero H1	25	Chicago, USA	Filipino	[19][20]
Cindy Miranda	21	Nueva Ecija	Filipino
Deniesse Joaquin H3	22	Sampaloc, Manila	Filipino
Kevin "Kulas" Alon	26	La Union	Filipino-Italian
Reginald "Reg" Pineda H2	19	Quezon City	Filipino
Rhea Angela Lim	26	Pampanga	Filipino
RJ Padilla	22	Parañaque	Filipino
Ryan Janus Tomas H5	19	Colorado, USA	Filipino
Seth Russell Cox H4

Sanaysay - "Delikado" ni: EMPinoy

Narito ang isang halimbawa ng SANAYSAY.

DELIKADO

ni: EMPinoy

        Ang mga Pilipino ay kilala bilang isa sa mga lahing matapang, palaban, at walang inuurungan. Ngunit, hindi ko lubos maisip ay ang katapangan natin kahit sa mga bagay na masasabi nating delikado.

         Masasabing ang isang bagay ay delikado kung ito ay magsusulot ng kapahamakan sa iyong sarili o mas malala ay madamay pa ang ibang tao.

        Narito ang lima lamang sa mga pinakadelikadong bagay at pangyayari sa Pilipinas.

         Ikalima sa pinakadelikadong bagay ay ang litson / lechon. Alam naman natin na tayong mga Pilipino ay isa sa pinakamatakaw na lahi sa buong mundo. Ito ay hindi dahil sa gusto lang nating sumikip ang kapaligiran. Ito ay dahil sa gusto nating sa kinagigiliwan nating mga sangkap ng bawat ulam na ating inihahain. Ingat-ingat lang mga bro sa ating main attraction - ang litson! Sabi ng iba, "balat pa lang, ulam na". Sabi ko naman, "Balat pa lang, 50-50 ka na."

        Ikaapat sa ating countdown ay ang pag-uwi sa Tondo nang gabi. Walang mao-offend ha. Taga-Tondo rin ako ngunit, sa totoo lang ay kailangan talaga ng ibayong ingat kapag uuwi dito dahil kapag hindi ka nag-ingat ay baka mamalayan mo na lang na may ice pick ka sa likod mo. 

       Ikatlo sa listahan natin ay ang sobrang pagpapaganda ng mga kadalagahan sa jeep. Lahat ng sobra ay delikado. Ang sobrang laking hikaw ay delikado sa mata ng snatcher. Ang sobrang ikling shorts naman ay delikado sa presensya sa mata ng isang manyak.

       Ang pagsasama naman ng dalawang taong hindi dapat magsama ang nasa ating ikalawa sa listahan. Halimbawa: hindi dapat magsama ang taong hindi dapat kumanta at taong hindi dapat uminom sa isang KTV bar. (joke mula kay Pol Medina)

       At ang nangungun sa pinakadelikadong bagay sa PIlipinas ay ang sitwasyong kapag inaway ang isang Pinoy ay all hell breaks loose. Mayroon noong isang Chinese national na sinabing "land of slaves" daw ang Pilipinas. May isang katagang sinabi sa isang episode ng Desperate Housewives na nagdahilan upang magpanting ang tenga ng lahat.

        Lima lamang yan sa pinakadelikadong bagay sa Pilipinas. Nasa ating desisyon at mga kamay kung ano ang tamang gawin. Laging tandaan na ang kapalit ng hindi pag-iingat ay kapahamakan.

Inaamin ko mismo na hindi gaanong maganda ang sanaysay na ito. Medyo mahina itong gawa kong ito para sa akin.

SMP - Samahan ng Malalamig ang Pasko

SMP - Samahan ng Malalamig ang Pasko

ni: Kuting

           “Sana magkaroon ako ng laptop…gusto ko ng iPad…sana mayroon akong kotse…gusto ko ng kamera…” Ilan lamang iyan sa mga nais nating makuha ngayong Pasko. Madami tayong sana at gusto, bagong cellphone, damit o kahit anong uso ngyon. Pero, para sa mg SMP diyan sa tabi-tabi, isa lang ang kanilang kahilingan, ang maging “single” to “in a relationship” ang kanilang “status”.

Parol

            Samahan ng mga Malalamig ang Pasko, iyan ang ibig sabihin ng SMP. Samahan ito ng mga taong mag-isa ngayong Kapaskuhan. Ang mga kasapi nito’y ang mga taong nawalan ng kulay ang kanilang buhay pag-ibig, mga taong basted o kaya hiniwalayan ng boyfriend o girlfriend. Walang makapagsasabi kung saan o sino ang nagpauso nito pero iisa lang ang sigurado, marami ang kasapi nito kaya ito kumakalat. Hindi sa ayaw ng kasama rito ang Kapaskuhan, sila lang iyong mga atong hindi napapansin ang mga taong nagmamahal sa kanila, ate,kuya,mama,papa,lolo,lola at iba pang mga taong nasa kanilang tabi. Sila ang mga taong hindi napapansin ang tunay na diwa ng panahong ito dahil sa kanilang ‘status”.

            Mapa-single, “it’s complicated”, “engaged”, “married” o “in a relationship” ang status mo ngayong Kapaskuhan, sana’y uwag nating kalimutan ang dahilan ng ating pagdiriwang. Sana’y huwag nating kalimutan na ang panahon na ito ay para sa tunay na nagmamahal sa atin, ang Panginoong Jesus na tunay na nagbigay ng kulay hindi lamang sa ating buhay pag-ibig kundi sa ating buong buhay. Sana ang SMPng alam natin ngayon ay maging Samahan ng mga Masasaya ang Pasko.

              Malamig man ang pasko mo sa syota, hwag kalimutang mag-init sa nag-iisang Manlilikha. Maligayang Pasko mga NoyPi!

Maligayang Pasko mga kapatid!

(Salamat sa sanaysay na ito ni Kuting)